काठमाडौं, ९ चैत । संघीय संसद् सचिवालयले नवनिर्वाचित प्रतिनिधि सभा सदस्यहरूको शपथ समारोहको तयारी तीव्र बनाएको छ ।
चैत १२ गते दिउँसो २ बजे शपथ कार्यक्रम तय गरिएको छ । भने सांसदहरूलाई दुई घण्टाअगावै उपस्थित हुन आग्रह गरिएको छ ।
यसअघि चैत ११ गते ज्येष्ठ सदस्य अर्जुननरसिंह केसीले राष्ट्रपतिसमक्ष शपथ लिनेछन् र उनले नै अन्य सांसदलाई शपथ गराउनेछन् । संविधानअनुसार शपथ बिना संसद् बैठकमा सहभागी हुन पाइँदैन ।
शपथपछि सांसदलाई आवश्यक सामग्री प्रदान गरिनेछ । सिंहदरबारस्थित निर्माणाधीन संसद् भवनको बहुउद्देश्यीय हलमा कार्यक्रम सञ्चालन गर्ने तयारी छ, जहाँ भौतिक संरचना तयार भइसकेको छ ।
निर्वाचनपछि दलहरूको सङ्ख्या अनुसार संसदीय दलका कार्यालय व्यवस्थापन गरिएको छ। नयाँ संसद् भवनमा सबै सांसदका लागि छुट्टाछुट्टै …चेम्बरÚको व्यवस्था गरिनेछ ।
