काठमाडौं, ३ चैत । इराकको राजधानी बगदादस्थित अमेरिकी दूतावासमा कयौँ ड्रोन तथा रकेट आक्रमण भएका छन् ।
इराकको सुरक्षा संयन्त्रले दिएको जानकारी अनुसार यो आक्रमण पछिल्ला केही दिनयताको सबैभन्दा भिषण भएको हो ।
आक्रमणको लगभग ६ घण्टा पहिले अमेरिकाले इराकमा रहेका सबै अमेरिकी नागरिकलाई तत्काल देश छोड्न आग्रह गरेको थियो ।
गत हप्ता पनि बगदादस्थित अमेरिकी दूतावासमा आक्रमण भएका थिए । यस्तै, इरानले इजरायलमा पनि कयौँ रकेट खसालेको छ । आक्रमण बढीपछि खाडी राष्ट्र युएईले आफ्नो हवाई क्षेत्र पूर्ण रुपमा बन्द भएको छ ।
