डडेल्धुरा, २७ फागुन । डडेल्धुरामा भरुवा बन्दुक पड्किँदा एक किशोरको मृत्यु भएको छ ।
परशुराम नगरपालिका–२ बसौटीमा मंगलबार साँझ अवैध भरुवा बन्दुक समातेर फोटो खिच्ने क्रममा बन्दुक पड्किँदा १७ वर्षीय सुवास महराको मृत्यु भएको जिल्ला प्रहरी कार्यालय डडेल्धुराले जनाएको छ ।
बैतडीको शिवनाथ गाउँपालिका–४ घर भएका महरा दिदीको घरमा बस्दै आएका थिए । बन्दुक पड्किएपछि गम्भीर घाइते भएका उनलाई जोगबुढा अस्पताल लगिएको थियो तर चिकित्सकले मृत घोषणा गरेका थिए ।
घटनापछि प्रहरीले बन्दुक बरामद गर्दै दुई किशोरलाई नियन्त्रणमा लिएर घटनाबारे थप अनुसन्धान गरिरहेको जनाएको छ ।
