सप्तरी, २६ फाल्गुन । सप्तरीको राजविराजस्थित गजेन्द्रनारायणसिंह अस्पतालको डेन्टल (दन्तरोग) विभाग अन्तर्गत ओपिडी सेवा सञ्चालन हुने भवनमा सोमबार आगलागी भएको छ ।
डेन्टल उपकरणको कम्प्रेसरमा विद्युत् सर्ट भएपछि आगलागी सुरु भएको बताइएको छ । आगलागीका कारण तीन डेन्टल उपकरण, दुई कम्प्रेसर, तीन डेन्टल कुर्सी, दुई डेस्क, एक फ्रिज र सात पङ्खा जलेर नष्ट भएका छन ।
प्रहरी, सशस्त्र प्रहरी, नेपाली सेना, स्थानीय बासिन्दा र दमकलको सहयोगमा आगो नियन्त्रणमा लिइएको थियो। घटनामा कुनै मानवीय क्षति भएको छैन ।
