काठमाडौँ, २६ फागुन । सुर्खेतको वीरेन्द्रनगरमा १६ वर्षीया महिलाको बलात्कारपछि हत्या गरेको आरोपमा चार जना पुरुष पक्राउ गरेका छन् ।
वीरेन्द्रनगर– १ मा बस्दै आएकी इनिशा विकको बालात्कारपछि हत्या गरेको आरोपमा चारजना पक्राउ परेका हो । जिल्ला प्रहरी कार्यालय सुर्खेतका अनुसार पक्राउ परेका चार नै जना १८ वर्षमुनिका छन् ।
जिल्ला प्रहरी प्रमुख प्रहरी उपरीक्षक एसपी सुधीर शाहीका अनुसार घटना फागुन २३ गते शनिबारको हो । इनिसा २३ गते बिहान वीरेन्द्रनगर–४ स्थित जनजागरण सामुदायिक वनमा बेहोश फेला परेकी थिइन् ।
लगतै उनलाई प्रदेश अस्पताल कालागाउँ पु¥याइएको थियो । लगत्तै चिकित्सकले उनलाई मृत घोषणा गरेका थिए । बिहान घरबाट निस्केकी उनी वनमा बेहोश अवस्थामा भेटिएकी थिइन् । उनको मृत्युपछि परिवार र आफन्तले २४ गते जिल्ला प्रहरी कार्यालयमा उजुरी दिएका थिए ।
घटनाकै दिन नै एकजना र थप तीनजना मंगलबार पक्राउ परेको एसपी शाहीले थाहखबरलाई जानकारी दिए। उनले घटनाबारे अनुसन्धान अगाडि बढेको भन्दै पोस्टमार्टम रिपोर्ट आएपछि निष्कर्षमा पुग्ने बताए।
