काठमाडौं, २४ फागुन । प्रतिनिधिसभा निर्वाचनको समानुपातिक मतगणनामा राष्ट्रिय स्वतन्त्र पार्टी पहिलो स्थानमा देखिएको छ ।
करिब २५ लाखभन्दा बढी मतसहित रास्वपाले अग्रता कायम गर्दा नेपाली कांग्रेस दोस्रो र नेपाल कम्युनिष्ट पार्टी (एमाले) तेस्रो स्थानमा छन् ।
हालसम्मको मतअनुसार नेपाल कम्युनिष्ट पार्टी पनि राष्ट्रिय दल बन्नेतर्फ उन्मुख देखिएको छ भने राष्ट्रिय प्रजातन्त्र पार्टी र श्रम संस्कृति पार्टीलाई ३ प्रतिशत थ्रेसहोल्ड पार गर्न चुनौती देखिएको छ ।
कानुनअनुसार राष्ट्रिय दलको मान्यता पाउन कम्तीमा प्रत्यक्षतर्फ १ सिट जित्नुका साथै समानुपातिकतर्फ कुल सदर मतको ३ प्रतिशत मत प्राप्त गर्नुपर्ने व्यवस्था छ ।
