काठमाडौं, २२ फागुन । प्रतिनिधिसभा सदस्य निर्वाचनको मतगणना जारी छ, जसमा काठमाडौं–१ र मुस्ताङमा रास्वपा र कांग्रेसका उम्मेदवार विजयी भएका छन् ।
रौतहट–१ मा रास्वपाका राजेश कुमार चौधरीले अग्रता लिइरहेको छ, जहाँ पूर्वप्रधानमन्त्री माधवकुमार नेपाल चौथो स्थानमा छ । प्यूठानमा एमाले नेता सूर्य थापा पछाडि परेका छन्, जहाँ रास्वपाका सुशान्त बैदिकले अग्रता लिएका छन् ।
अहिलेसम्म ८० भन्दा बढी निर्वाचन क्षेत्रको मत गणना भइरहँदा २ वटा निर्वाचन क्षेत्रको अन्तिम नतिजा आइसकेको छ । झापा ५, सर्लाही ४ लगायतका निर्वाचन क्षेत्रसहित धेरैजसो क्षेत्रमा रास्वपा उम्मेदवारले अग्रता लिइरहेका छन् । यसैक्रममा रौतहट निर्वाचन क्षेत्र नं. १ को मतगणनाको प्रारम्भिक मतगणनाको नतिजा आएको छ ।
यो क्षेत्रमा रास्वपाका राजेश कुमार चौधरीले अग्रता लिएका छन् । रास्वपाका चौधरीले ७०६ मत ल्याउँदा जसपाका योगेन्द्र चौधरी ५६७ मतसहित दोस्रो स्थानमा छन् । नेकपा एमालेका अजय गुप्ता २८८ मतसहित तेस्रो र चौथो स्थानमा नेकपाका माधवकुमार नेपालले २२० मतसहित चौथो स्थानमा छन् ।
