जनकपुर, १६ फागुन । धनुषा निर्वाचन क्षेत्र नं ३ बाट नेकपा एमालेकी प्रतिनिधिसभा सदस्य उम्मेदवार जुली कुमारी महतोले आफ्नो चुनावी अभियानलाई तीव्र गतिमा अघि बढाएकी छन् ।
उनी यसअघि पनि यही क्षेत्रबाट प्रतिनिधिसभा सदस्यमा निर्वाचित भएकी थिइन् । चुनावी भेटघाट तथा घरदैलो कार्यक्रममा व्यस्त महतोले आफ्नो कार्यकालमा क्षेत्रका सडक, शिक्षा, स्वास्थ्य र आधारभूत पूर्वाधार विकासमा महत्वपूर्ण काम भएको दाबी गरेकी छन् ।
अघिल्लो कार्यकालमा सुरु गरिएका विकास आयोजनाहरूलाई निरन्तरता दिन र बाँकी रहेका योजनाहरू सम्पन्न गर्न पुनः उम्मेदवार बनेको उनले बताईन ।
स्थानीय मतदाताहरूले महतो विकासप्रति प्रतिबद्ध, जनतासँग नजिक र समस्याप्रति संवेदनशील नेतृ भएको प्रतिक्रिया दिएका छन् । महिला उम्मेदवार भएकै कारण पनि उनीप्रति जनविश्वास बलियो रहेको मतदाताहरूले बताएका छन ।
यस क्षेत्रमा महतोको पक्षमा समर्थन क्रमशः बढ्दै गएको देखिन्छ । मतदाताहरूले विकास, निरन्तरता र नेतृत्व क्षमताको आधारमा उनलाई पुनः जिताउने तयारीमा रहेको बताइरहेका छन् ।
