काठमाडौँ, १६ फागुन । प्रतिनिधिसभा निर्वाचनका क्रममा जिल्ला आचारसंहिता अनुगमन समिति र अनुगमन अधिकृतसमक्ष परेका १ हजार ७६ उजुरीमध्ये १ हजार ६१ उजुरी फछ्र्यौट भएको छ ।
निर्वाचन आयोगका अनुसार करिब ९९ प्रतिशत उजुरी समाधान भइसकेका छन् । प्रदेशगत रूपमा लुम्बिनी प्रदेशमा सबैभन्दा धेरै २४४ उजुरी परेका छन् भने सुदूरपश्चिम प्रदेशमा सबैभन्दा कम ९६ उजुरी दर्ता भएका छन् ।
उजुरीमध्ये ९७ लिखित र ९७९ टेलिफोन, एसएमएस तथा अन्य माध्यमबाट प्राप्त भएका थिए । आयोगका अनुसार तोकिएको मापदण्डभन्दा ठूला ब्यानर र झण्डा प्रयोग, सामाजिक सञ्जालको दुरुपयोग, डिजे माइकबाट ध्वनि प्रदूषण, शिक्षक–कर्मचारी तथा जनप्रतिनिधि प्रचारमा संलग्न हुनु, सार्वजनिक स्थान र सवारीसाधनमा झण्डा टाँग्नुजस्ता उजुरी बढी परेका छन् ।
