कालीकोट, ३ माघ । कालीकोटको शुभकालिका गाउँपालिका–४ सल्लेरीमा शुक्रबार साँझ जीप दुर्घटना हुँदा तीन जनाको घटनास्थलमै मृत्यु भएको छ ।
सेरी–पान्तडी सडकमा उकालो चढ्ने क्रममा भे १ ज २८९८ नम्बरको जीप ब्याक भएर करिब ५०० मिटर तल तिला नदी किनारामा खसेको थियो ।
दुर्घटनामा स्काभेटर अपरेटर दुई जना र एक सहचालकको ज्यान गएको प्रहरीले जनाएको छ । मृतक तीनै जना सडक निर्माण कार्यमा संलग्न थिए ।
घटनापछि सुरक्षा निकायको टोली घटनास्थल पुगेको छ भने चालक प्रहरीको सम्पर्कमा आएका छन् ।
