जनकपुर, २९ मंसिर । मधेश प्रदेशका मुख्यमन्त्री कृष्णप्रसाद यादवले आज मन्त्रिपरिषद् विस्तार गर्ने तयारी गरेका छन् ।
सातदलीय गठबन्धनको बैठकले जनमत पार्टीबाहेक अन्य सात दलबाट एक–एक जना मन्त्री नियुक्त गर्ने निर्णय गरेको छ । बैठकले आगामी पुस ४ गते मुख्यमन्त्री यादवले प्रदेशसभाबाट विश्वासको मत लिने निर्णयसमेत गरेको छ ।
यादव मङ्सिर १९ गते मुख्यमन्त्री नियुक्त भई मङ्सिर २१ गते सपथ लिएका थिए । भागबण्डा नमिल्दा हाल दुई मन्त्री बिना विभागीय छन्, जससहित अन्य दलबाट प्रतिनिधित्व हुने गरी आज मन्त्रिपरिषद् विस्तार गरिने तयारी छ ।
