काठमाडौं, १८ फागुन । गृहमन्त्री ओमप्रकाश अर्याल र कार्यवाहक प्रमुख निर्वाचन आयुक्त रामप्रसाद भण्डारी बीच प्रतिनिधिसभा सदस्य निर्वाचनको तयारीबारे छलफल भएको छ ।
बहादुर भवनस्थित निर्वाचन आयोग कार्यालयमा भएको भेटमा सुरक्षा व्यवस्था, आचारसंहिताको कार्यान्वयन र समग्र निर्वाचन तयारीका विषयमा समीक्षा गरिएको हो ।
गृहमन्त्री अर्यालले निर्वाचन सुरक्षालाई भरपर्दो बनाइएको बताउँदै फागुन २१ गते हुने मतदान भयरहित वातावरणमा सम्पन्न हुने विश्वास व्यक्त गरे ।
कार्यवाहक प्रमुख आयुक्त भण्डारीले मौन अवधिमा आचारसंहिताको कडाइका साथ अनुगमन गरिने र उल्लङ्घनकर्तामाथि कानुनअनुसार कारबाही हुने स्पष्ट पारे ।
आयोगले मतपेटिका, मतपत्र र अन्य निर्वाचन सामग्री सम्बन्धित जिल्लामा पु¥याइसकिएको जानकारी गराउँदै मतदानपछिको ढुवानी व्यवस्थापनसमेत मिलाइसकिएको जनाएको छ ।
