जनकपुर, ३० कार्तिक । जनकपुरस्थित एन्जल स्कुलका चार जना विद्यार्थीले पूर्ण छात्रवृत्ति (फुल स्कलरसिप) प्राप्त गरेका छन् ।
स्कुलका उत्कृष्ट शैक्षिक प्रदर्शन गर्ने विद्यार्थीहरू अनुराग यादव, विवेक कुमार खड्का, विवेक यादव र रवि यादव यस वर्ष प्रतिष्ठित कलेजमा अध्ययन गर्न पूर्ण छात्रवृत्तिका साथ चयन भएका हुन् ।
स्कुलका सञ्चालक रामेश्वर यादवले एक समारोहमार्फत विद्यार्थीहरूलाई सम्मान गरेका थिए । उनले मेहनत, समर्पण र अनुशासनले सफलता प्राप्त हुने उल्लेख गर्दै भविष्यमा पनि यसैगरी विद्यालयको नाम उज्जवल बनाइदिन विद्यार्थीहरूलाई शुभकामना व्यक्त गरेका छन् ।
छात्रवृत्ति प्राप्त विद्यार्थीहरूले यस अवसरले आफूहरूलाई अझ राम्रोसँग पढ्ने, नयाँ अवसर खोज्ने र भविष्यमा समाज तथा देशको विकासमा योगदान पु¥याउने प्रेरणा मिलेको बताएका छन् ।
