काठमाडौं, ७ कात्तिक । मौसम पूर्वानुमान महाशाखाले आगामी तीन दिन देशभरको मौसम सामान्य रहने अनुमान गरेको छ।
तर, कात्तिक ११ गते बुधबारदेखि १५ गते आइतबारसम्म वर्षा र हिमपातको सम्भावना रहेकाले सतर्कता अपनाउन महाशाखाले आग्रह गरेको छ।
महाशाखाका अनुसार बंगालको खाडीको पूर्वमध्य तथा आसपासको दक्षिणपूर्वी क्षेत्रमा विकसित न्यूनचापीय प्रणालीका कारण नेपालको मौसम प्रभावित हुन सक्ने देखिएको छ।
सम्भावित वर्षा र हिमपातलाई ध्यानमा राख्दै सम्बन्धित क्षेत्रका बासिन्दा तथा यात्रुहरूलाई आवश्यक सावधानी अपनाउन महाशाखाले अनुरोध गरेको छ।
