काठमाडौं, १९ कार्तिक । नेपाल समाजवादी पार्टी (नेसपा) का अध्यक्ष महिन्द्र राय यादवले नेपाली क्रान्तिका नायक पुष्पकमल दाहाल ‘प्रचण्ड’ भएको बताएका छन् ।
भृकुटीमण्डपमा १० दलको एकता घोषणा सभामा बोल्दै उनले देशको राजनीतिक निकास प्रचण्डले दिन सक्ने विश्वास व्यक्त गरे । यादवले जेनजी आन्दोलनका समयमा प्रचण्ड र माधव नेपालसँगै रहेको स्मरण गर्दै एमाले र कांग्रेस त्यसबेला सक्रिय नभएको बताए ।
उनले कम्युनिस्ट आन्दोलनको मुख्य कमजोरी आन्तरिक लोकतन्त्र रहेको बताउँदै एकता पश्चात् त्यो बलियो बनाउने प्रतिबद्धता जनाए । साथै, प्रचण्डले माओवादी ट्याग त्यागेकोमा खुशी पनि व्यक्त गरे ।
