काठमाडौं, ३१ असोज । नेपाली सेनाले २३ र २४ भदौमा भएको जेन–जी आन्दोलनका क्रममा मृत्यु भएका ७६ व्यक्तिमध्ये २२ मात्र प्रदर्शनकारी भएको स्पष्ट पारेका छन् ।
शुक्रबार आयोजित पत्रकार सम्मेलनमा नेपाली सेनाको युद्ध कार्य विभाग प्रमुख उपरथी अनुपजंग थापाले घटनासम्बन्धी विवरण सार्वजनिक गर्दै भने, “जेन–जी आन्दोलनमा मृत्यु भएका ७६ जनामध्ये २२ जना प्रदर्शनमा सहभागी थिए, तीन जना सुरक्षाकर्मी थिए भने १० जना कैदी र बाँकी ४१ जनाको पहिचान फरक समूहको भएको देखिन्छ ।”
थापाका अनुसार, २३ भदौमा नयाँ बानेश्वर क्षेत्रमा प्रहरीले चलाएको गोली लागेर १९ जनाको मृत्यु भएको थियो भने सुनसरीको इटहरीमा दुई जना मारिएका थिए । उक्त आन्दोलनमा जेन–जी पुस्ताका युवायुवती र किशोर विद्यार्थीहरू सहभागी थिए ।
उनीहरूले समावेशी नीति, वातावरणीय न्याय, शिक्षा सुधारजस्ता मुद्दा उठाउँदै शान्तिपूर्ण प्रदर्शनको आह्वान गरेका थिए । यद्यपि, प्रदर्शन केही स्थानमा हिंसात्मक बन्दै गएपछि सुरक्षा निकाय र प्रदर्शनकारीबीच झडप भएको थिया े।
