जनकपुर, २९ असोज । मधेश प्रदेशका पूर्व मुख्यमन्त्री सतिशकुमार सिंह र पूर्व वनमन्त्री त्रिभुवन साह नयाँ गठित जनस्वराज पार्टी (जस्वपा) मा सनाखत गर्न जनकपुरस्थित निर्वाचन कार्यालय पुगेका बेला तनावपूर्ण स्थिति सिर्जना भएका छन् ।
सिंह र साहलाई रोक्न जनमत पार्टीका समर्थकहरू कार्यालय बाहिर जम्मा भएका थिए । त्यस क्रममा दुई पक्षबीच भनाभन हुँदै सामान्य झडप भएको थियो ।
जनमत समर्थकहरूले सिंह सवार सवारीसाधनलाई लक्षित गरी आक्रोश प्रकट गर्न खोजे पनि, सुरक्षाकर्मीको तैनाथीले स्थिति नियन्त्रणमा लिएको निर्वाचन कार्यालयले बताए । सुरक्षाकर्मीको सतर्कताले गाडीमा क्षति हुनबाट जोगिएको हो ।
स्मरण रहोस्, जनमत पार्टीबाट असन्तुष्ट नेताहरूले मंगलबार नयाँ पार्टी गठन गरेका थिए, जसको नाम जनस्वराज पार्टी राखिएको छ। निर्वाचन आयोगले पनि सोही दिन जस्वपालाई आधिकारिक मान्यता दिइसकेको छ ।
