काठमाडौं, ३१ भदौं । जेनजी आन्दोलनमा ज्यान गुमाएकाहरुको सामूहिक शवयात्रा निकाल्ने तयारी भएको छ ।
टिचिङ अस्पतालबाट आन्दोलनमा ज्यान गुमाएकाहरुमध्ये १० जनाको सामूहिक शवयात्रा निकाल्न लागिएको हो । शवयात्रा परिक्रमा गरिएपछि उनीहरुको आज अन्त्येष्टि गरिँदै छ ।
६ जनाको शव काठमाडौं बाहिर लगिने र चार जनाको पशुपतिमा अन्त्येष्टि गरिने भएको छ । अस्पतालले परिवारलाई शव जिम्मा लगाएपछि अस्पताल पुगेका आफन्तहरु भावविह्रल दिएका छन् ।
२३ र २४ गते भएको आन्दोलनमा ७२ जनाको ज्यान गुमाएको छ । अधिकाशंको गोली लागेर मृत्यु भएको हो । शवको पोस्टमार्टम गरेपछि आज परिवारलाई जिम्मा लगाइएको थियो ।
सरकारले भोलि शोक बिदा समेत दिएको छ भने मृतकको परिवारलाई १५ लाख रुपैयाँ दिने निर्णय समेत गरेको छ ।
