काठमाडौं, २ साउन । एमालेको नेतृ विद्यादेवी भण्डारी र नेपाली कांग्रेसका नेता शेखर कोइराला सँग भेटवाता गनेका छन् ।
एमालेको राजनीतिमा सक्रिय हुने घोषणा गरेकी नेतृ भण्डारीले सक्रियता बढाएकी छन् । मदन जयन्तीका अवसरमा राष्ट्रिय सभा गृहबाट एमालेको राजनीतिमा पुनः सक्रिय भएको औपचारिक घोषणा गरेकी भण्डारीले एमाले र अन्य दलका नेता–कार्यकर्ताबीच भेटघाट बाक्लो बनाएकी हुन् ।
शुक्रवार बिहान एमाले नेतृ भण्डारीलाई भेट्न कांग्रेस नेता शेखर कोइराला उनको निवास भंगालमा पुगेका थियो । उनीहरुबीच झण्डै एक घण्टा छलफल भएको कोइरालाको सचिवालयले बताए । भण्डारीले कोइरालालाई आफू राजनीतिमा आउने घोषणा गरेकाले साथ दिन आग्रह गरेकी थिइन् ।
फरक ढंगको राजनीतिक जिम्मेवारीबाट मुक्त भएपछि नेकपा एमालेमै रहेर पार्टीको राजनीतिक यात्रालाई निरन्तरता दिने पवित्र उद्देश्यका साथ मैले पार्टी सदस्यता नवीकरण गरेको छु ।
मैले राजनीतिमा आउने घोषणा पनि गरिसकेँ, मैले पूर्वराष्ट्रपतिको हैसियतले राज्यका तर्फबाट प्राप्त सबै सेवा सुविधा त्यागे सकेको छु ।’ भेटमा कोइरालासँग भण्डारीले भनिन्,‘म राजनीतिमा आइसकेँ। फरक दलको भएपनि तपाईंले मलाई सहयोग गर्नुप¥यो। सँगै मिलेर काम गरौं।’
जवाफमा आफूले राजनीतिमा आए सघाउने जवाफ कोइरालाले दिएको उनको सचिवालयले बताएको छ । कोइरालाले भण्डारीसँगको भेटमा सरकारले जनताको अपेक्षा पूरा गर्न नसकेको भन्दै असन्तुष्टि व्यक्त गरेका थिए ।
एमाले–कांग्रेस गठबन्धनको सरकार १ वर्ष पूरा भएको छ । पछिल्लो समयमा कोइरालाले सरकारको विरोध गर्दै आएका छन् ।
यता गठबन्धन सरकारसँग असन्तुष्ट राख्दै आएका कोइराला प्रमुख प्रतिपक्षी दलका नेता नेकपा (माओवादी केन्द्र) का अध्यक्ष पुष्पकमल दाहाल प्रचण्डलाई खुमलटार पुगेर भेट गरेका हुन् ।
कांग्रेस र माओवादी केन्द्रको गठबन्धन सरकार हुँदा एक वर्षअघिसम्म कोइराला कांग्रेस र एमाले मिलेर अगाडि बढ्नुपर्ने वकालत गर्दै आएका थिए। तर, पार्टीभित्र गुट–उपगुटको बेमेलले उनी थप आक्रामक बन्दै आएका छन् ।
भण्डारीको सक्रियताले एमालेमा तरंग पैदा भइरहेको र कांग्रेसमा पनि संस्थापनइत्तर गुटको नेतृत्व गरिरहेका कोइरालाले सत्ता साझेदार दलका नेता र प्रतिपक्षबीचको भेटलाई राजनीतिक वृत्तमा अर्थपूर्ण रुपमा हेरिएको छ।
