काठमाडौं,१२ भदौ । आयोजक नेपाललाई सहजै पराजित गदै बंगलादेशले यू–२० साफ च्याम्पियनसिप फूटबलको उपाधि जितेको छ ।
ललितपुरस्थित एन्फा कम्प्लेक्सको मैदानमा बुधवार भएको खेलमा नेपाललाई सहजै ४–१ गोल अन्तरले पराजित गर्दै बंगलादेशले उपाधि उचालेको हो ।
पियस नोभा र हुसेन राहुलले एक–एक गोल गरेका हुन् । नेपालका लागि समीर तामाङले ७९ औं मिनेटमा एक गोल फर्काएका थिए । पराजित भएसँगै यू–२० साफ च्याम्पियनसिपको तीनपटक उपाधि उचाल्ने नेपालको सपना धुमिल भएको छ ।
बंगलादेशले उमेर समूहमा जितेको यो पहिलो उपाधि हो । नेपालले भुटानलाई र बंगलादेशले भारतलाई ट्राइबेकरमा पराजित गर्दै फाइनलमा पुगेका थिए ।
