एजेन्सी, जापानको हनेदा विमानस्थलको धानवनमार्गमा दुई विमान ठोकिएर भएको दुर्घटनामा पाँच जनाको मृत्यु भएको छ ।
जापान एयरलाइन्सको विमान अवतरण गर्ने क्रममा रनवेमा रहेको कोष्ट गार्ड एयरलाइन्सको विमानमा ठोकिएको थियो । ठोकिएपछि दुवै विमानमा भीषण आगलागी भएको अन्तर्राष्ट्रिय सञ्चारमाध्यमले जनाएका छन् ।
जापान एयरलाइन्समा रहेका चालक दलका १२ र ३ सय ६७ यात्रुसहित कूल ३ सय ७९ जनालाई सकुशल उद्धार गरिएको छ ।
तर कोष्ट गार्डको विमानभित्र रहेका ६ मध्ये ५ चालक दलका सदस्यको मृत्यु भएको स्थानीय प्रहरीलाई उद्धृत गर्दै जापानको सरकारी संचारमाध्याम एनएचकेले जनाएको छ ।
समाचार एजेन्सी रोयटर्सका अनुसार कोष्ट कार्डको विमान सोमबार गएको भूकम्पप्रभावित क्षेत्रमा राहत लिएर जान लागेको थियो ।
दुर्घटनापछि लागेको आगो दुई घण्टासम्म पनि निभाउन नसक्दा जहाज पुरै जलेर नष्ट भएको छ ।
