प्रसाईंका समर्थक र प्रहरीबिच झडप हुदा अश्रुग्यास र पानीको फोहरा प्रहार

काठमाडौँ, ७ मंसिर । काठमाडौँको बल्खुमा प्रहरी र दुर्गा प्रसाईंका प्रदर्शनकारीबिच झडप भएको छ ।

झडपपछि प्रहरीले प्रदर्शनकारीमाथि अश्रुग्यास प्रहार गरेको छ । प्रसाईंलाई प्रदर्शन गर्नका लागि बल्खु तोकिए पनि उनीहरू कालिमाटीतर्फ लाग्न खोजेपछि प्रहरीले उनीहरूलाई रोकेको थियो ।

प्रहरीले रोकेपछि त्यहाँ झडप सुरु भएको थियो । प्रहरीले आन्दोलनकारीमाथि पानीको फोहरा समेत प्रहार गरेको छ ।

यसअघि सोही स्थानमा प्रसाईं समूह र युवा संघका कार्यकर्ताबिच झडप भएको थियो ।