काठमाडौं, ६ असोज । चीनको औपचारिक भ्रमणमा रहेका प्रधानमन्त्री पुष्पकमल दाहाल ‘प्रचण्ड’लाई शनिबार हाङ्जाउ विमानस्थलमा चीन सरकारका खेलकुद सामान्य प्रशासनमन्त्री एवं चिनियाँ ओलम्पिक कमिटीका अध्यक्ष गाव झिदानले स्वागत गरेका छन् ।
प्रधानमन्त्री दाहाल शनिबार बिहान चिनियाँ समय अनुसार १०ः १० बजे चीन पुगेका हुन् । संयुक्त राष्ट्र संघको महासभामा सहभागी भएर अमेरिकाबाट हङकङ हुँदै उनी एसियाली खेलकुद महोत्सव आयोजना गरिएको चीनको हाङचौं सहरमा पुगेका छन् ।
प्रधानमन्त्री दाहाल आज साँझ एसियाली खेलकुद महोत्सवमा उद्घाटन समारोहमा सहभागी हुने छन् ।
त्यसअघि आजै दिउँसो चार बजे चिनियाँ राष्ट्रपति सी चिनफिङसँग प्रधानमन्त्री दाहालले भेटघाट गर्ने कार्यक्रम तय भएको स्रोतले बताएका छन ।
