जनकपुरधाम, १७ भदौ । मिटरव्याज पीडितहरुले जनकपुरधाममा प्रशासनविरुद्ध प्रदर्शन गरेका छन् ।
मिटरब्याज पीडित संघर्ष समिति धनुषाको अगुवाईमा मिटरब्याज पीडितहरुले जनकपुरधाममा प्रदर्शन गरेका छन् । मिटरब्याजी संरक्षक प्रशासक मुर्दाबाद, निषेधाज्ञा खारेज गर, मिटरब्याजीलाई पक्राउ गरी कारबाही गर, १० प्रतिशतभन्दा बढी व्याज लिन पाइँदैन लगायतका नरा प्रदर्शनमा लगाएका थिए ।
मण्डल कुट्टीबाट निस्केको जुलुस विभिन्न भागमा प्रदर्शन गर्दै जिल्ला प्रशासन कार्यालय घेराउत गरेका छन् । उनीहरुले जिल्ला प्रशासन कार्यालयमा ज्ञापन पत्र समेत बुझाएका छन् ।
बिचोलियाको रूपमा काम गर्ने कर्मचारीलाई तत्काल छलफलबाट हटाउनु पर्ने, विभिन्न राजनितिक दल र जनप्रतिनिधिहरुको अनाव्यश्यक हस्तक्षेप बन्द हुनु पर्ने, दिएका उजुरीहरुलाई अदालत जमिन र समान्य लेनदेनका आधारमा वर्गीकरण गरी प्राथमिक्ताका साथ अदालत र जमिनका मुद्दालाई तत्काल बहस गर्नुपर्ने, छलफलको टेवल संख्या बढाउनु पर्ने र हरेक टेबलमा संघर्ष समितिका प्रतिनिधी अनिवार्य राख्नु पर्ने उनीहरुको माग छ ।
मागहरु कार्यान्वयन नभएमा थप आन्दोलनको कार्यक्रम गर्ने संघर्ष समिति धनुषाका अध्यक्ष राजाराम यादवले चेतावनी दिएका छन ।
