जनकपुरधाम,२६ बैशाख । सिरहाको गोलबजार नगरपालिका ४ का जोगी साहले सञ्चालन गरेको होटलमा ग्याँस सिलिन्डर पड्केर मंगलवार बिहान आगलागी भएको छ ।
आगलागीबाट होटलमा भएको समान र भित्र रहेको सम्पूर्ण सरसामान जलेर नष्ट भएको छ । स्थानीय गणेश साहले भने बिहान होटल खोलेर ग्याँस बालेलगत्तै आगो लागेर सिलिन्डर पड्कियो,’, ‘होटलमा रहेको ६ वटा त ग्याँस सिलिन्डर नै पड्कियो । आगोबाट होटल नै ध्वस्त भयो ।
मानवीय क्षति हुनबाट जोगिएको छ । आगलागीबाट करिब २० लाख बराबरको क्षति भएको अनुमान छ ।
होटल नष्ट भइसकेपछि पुगेको वारुणयन्त्र, प्रहरी र स्थानीले आगो नियन्त्रणमा लिएका छन् ।
