एजेन्सी । भारतको जम्मु कश्मीरमा प्रतिबन्धित समूहले गरेको आक्रमणमा पाँच सैनिकको मृत्यु भएको छ भने एक जना घाइते भएका छन् ।
राष्ट्रिय राइफल्स युनिटका जवान बोकेको सैन्य ट्रकमा अचानक भएको गोलाबारी र बम प्रहारमा मानवीय क्षति भएको भारतीय अधिकारीहरूले जानकारी दिएको छ ।
बिहीबार दिउँसो जम्मु कश्मिरको पुन्छ जिल्लामा खराब मौसम भएको समय पारेर प्रतिबन्धित समूह जैश–ए–मोहम्मद समर्थित पिपुल्स एन्टि फासिस्ट फ्रन्टले आक्रमण गरेको थियो ।
भारत सरकारले जम्मु कश्मीरको विशेषाधिकार खोसेपछि यो विद्रोही समूह चर्चामा आएको हो । खराब ‘भिजिबिलिटी भएको मौका छोपेर ‘काउन्टर टेरोरिस्ट अपरेसन’मा तैनाथ सैनिकमाथि उक्त समूहले आक्रमण गरेको थियो ।
