जनकपुरधाम,२५ चैत्र । नेपालको उपराष्ट्रपति रामसहाय यादवले जनकपुरधामको जानकी मन्दिरमा विशेष पूजाअर्चना गरी प्रसाद ग्रहण गर्नुभएको छ ।
उपराष्ट्रपति यादव जानकी मन्दिरमा आइपुग्दा मन्दिरका उत्तराधिकारी महन्थ रामरोशन दास वैष्णव सहितका साधुन्तहरुले स्वागत तथा सम्मान गर्नुभएको थियो ।
उपराष्ट्रपति यादवलाई उत्तराधिकारी महन्थ रामरोशन दासले मन्दिरका बारेमा संक्षिप्त रुपमा जानकारी गराउनुभयो । उपराष्ट्रपति सिरहा जिल्लामा आयोजना हुने एक कार्यक्रममा सहभागि हुन जनकपुरधाम आउनुभएका बेलामा जानकी मन्दिरमा विशेष पूजा गर्नुभएको छ ।
त्यस अवसरमा प्रदेश प्रमुख हरिशंकर मिश्र, मधेश प्रदेश सरकारका सामाजिक विकासमन्त्री सुरिता कुमारी साह, प्रदेशसभाका सदस्य रामअशिष यादव, तथा अन्य सुरक्षा निकायका प्रमुखहरु सहभागी रहेको थियो ।
