विवाह पञ्चमी महोत्सवको तयारी शुरु

जनकपुरधाम २९ कार्तिक । जनकपुरधाममा भव्यताका रुपमा मनाइने श्री सीताराम विवाह पञ्चमी महोत्सवको तयारी शुरु भएको छ । त्रेता युगमा मर्यादा पुरुषोत्तम भगवान् श्रीराम र जगत जननी माता जानकीसँग शुभ विवाहको स्मरणमा आउने मंसिर ७ गतेदेखि सप्ताहव्यापी रुपमा विवाह पञ्चमी महोत्सव मनाउने तयारी सुरु भएको जानकी मन्दिरका उत्तराधिकारी महन्थ श्री रामरोशन दासले जानकारी बताएका छन । विवाह पञ्चमी महोत्सव अन्तर्गत पहिलो दिन मङ्सिर ७ गते नगर दर्शन, दोस्रो दिन ८ गते फूलबारी लीला, तेस्रो दिन ९ गते धनुष यज्ञ, चौथो दिन १० गते तिलकोत्सव, पाँचौँ दिन मङ्सिर ११ गते मटकोर, छैंठौं दिन मङ्सिर १२ गते स्वयंवर तथा रात्रि विवाह उत्सव र सातौँ तथा अन्तिम दिन मङ्सिर १३ गते राम कलेवा गरी सीताराम विवाह पञ्चमी सम्पन्न हुँने छ । हिन्दुहरूको आस्थासित जोडिएको भगवान् सीताराम विवाह महोत्सवको प्रमुख अतिथि यस पटक भारत उत्तराखण्डका पर्यटन मन्त्री सतपाल सिंह रावत रहने महन्थ दासले बताए ।