काठमाडौं, २ वैशाख । काठमाडौंमा बसेको मन्त्रिपरिषद् बैठकले २०६२/०६३ यताका सार्वजनिक पदधारीहरूको सम्पत्ति छानबिन गर्न आयोग गठन गरेको छ ।
पूर्वन्यायाधीश राजेन्द्रकुमार भण्डारीको संयोजकत्वमा गठित उक्त आयोगमा पूर्वन्यायाधीशहरू, प्रहरी अधिकारी र चार्टर्ड एकाउन्टेन्टसहित सदस्यहरू रहेका छन्।
आयोगले प्रमुख राजनीतिक पदाधिकारी तथा उच्च पदस्थ कर्मचारीहरूको सम्पत्ति विवरण संकलन, प्रमाणीकरण र छानबिन गर्नेछ ।
