बिभिन्न पार्टीका नेताहरु जनमत पार्टीमा प्रवेश गर्दै

केपी खबर
जनकपुरधाम ३० असोज । बिभिन्न पार्टीका नेताहरु जनमत पार्टीमा प्रवेश गर्नेभएको छ । निर्वाचनको समय नजिकिदै गर्दा जनमत पार्टीले धनुषा निर्वाचन क्षेत्र नम्बर ३ मा बृहत पार्टी प्रवेश कार्यक्रम गर्ने तय गरेको छ ।
कार्तिक ४ गते धनुषाको मुखियापट्टी मुसहरनिया गाउँपालिकाको बैरिया बजारमा दिनको दुई बजे जनमत पार्टीले बृहत पार्टी प्रवेश कार्यक्रम गर्न लागेको छ । त्यस्तै उक्त दिन नै धनौजी गाउँपालिकाको बहुअर्वा बजारमा बिहान ९ बजे पार्टि प्रवेश कार्यक्रमको आयोजना गर्न लागिएको जनमत पार्टीको धनुषा ३(क)को प्रदेशसभा सदस्यको उम्मेदवार डा. प्रसन्नकुमार झाले जानकारी दिएका छन । दूईटै पार्टी प्रवेश कार्यक्रमको प्रमुख अतिथि जनमत पार्टीका केद्रिय अध्यक्ष डा. सिके राउत रहने डा.झाले जानकारी दिएका छन । उक्त पार्टी प्रवेश कार्यक्रममा धनुषा ३(ख)को प्रदेशसभाका उम्मेदवार रामबाबु साह र धनुषा ३को प्रतिनिधिसभाका उम्मेदवार शम्भुनाथ साह उपस्थिति रहने बताएको छ । अहिले डा. झा क्षेत्र नं ३(क)को बिभिन्न पालिकाका विभिन्न टोलहरुमा मतदाताहरुसंग मत माग्नका लागि घरदैलो गर्दै छन ।