जनकपुरधाम, १३ वैशाख । मधेश सरकारको भूमि ब्यवस्था, कृषि तथा सहकारी मन्त्रालय अन्तर्गत रहेका माटो परीक्षण प्रयोगशालाको प्राविधिकले ८ वटै जिल्लाका १३६ वटै स्थानीय तहको माटो परीक्षण गर्न लागेको छ ।
मधेशको माटोको अवस्था पत्ता लगाएर आवश्यकता अनुसार कुन कुन मलखाद कहिले प्रयोग गर्ने भन्नेबारेमा किसानलाई जानकारी गराउन माटो परीक्षण गर्न खोजेको कृषि मन्त्री ई.बसन्त कुशवाहले जानकारी दिनुभएको छ ।
मन्त्रीका अनुसार प्राविधिक टोलीले १३६ पालिकामा घुम्ती टेस्ट ल्याबमार्फÞत ३ दिनसम्म पालिकाको विभिन्न ठाउँको माटो जाँच गरिने छ ।
माटो परीक्षण कार्यक्रम पालिकाको समन्वयमा गर्नुपर्ने भएकाले पालिका प्रमुखहरूलाई सहयोग गर्न मन्त्रालयले आग्रह गरेको छ ।
