जनकपुरधाम,१५ फागुन । मिथिला मध्यमा आज परिक्रमा कञ्चनवन पुगे संगै मिथिलाञ्चलमा होली खेल्न शुरु भएको छ ।
कञ्चनवनमा मधेशका मन्त्री, प्रशासन प्रमुख, साधुुसन्त र भक्तजन सहितकाले सामुहिक रुपमा होली खेलेको छ ।
१५ दिवसीय मिथिला मध्यमा परिक्रमाको १५ विभिन्न विश्रामस्थलहरु मध्येको एक पवित्र स्थल महोतरीको एतिहाँसिक तथा प्राचिन कञ्चनवन हो ।
परिक्रमामा सहभागि विभिन्न मन्दिरका भगवान रामजानकीको डोला सहितका तिर्थालुहरु कञ्चवनमा पुगेर होली खेले संगै मिथिलाञ्चलमा रंगअविरको पर्व होली विधिवत शुरु भएको जनबिश्वास छ ।
त्रेता युगमा भगवान राम र सिता कञ्चनवनमै होली खेलेको जनविश्वास अनुसार यहाँ भब्य रुपमा रंग अविर सहित होली खेल्ने गरेको छ ।
मधेश सरकारकी पर्यटन मन्त्री सुनिता यादव, धनुषा महोतरीका प्रमुख जिल्ला अधिकारी, तिनवटै सुरक्षा निकायका प्रमुखहरु, कञ्चवन पर्ने महोतरीको भंगहा नगरपालिकाका मेयर सञ्जीव साह, साधुसन्त र तिर्थालु सबै मिलेर होलीमा रंग अविर खेलेका छन् ।
मिथिला विहारी र जानकी जीको डोलाको अगुवाईमा कञ्चनवन पुगेको परिक्रमा मंगलवार धनुषाको पर्वता त्यस्तै धनुषाधाम, सतोषर, औरही र पुनः भारतको विसौल तथा कलानेश्वर हुँदै जनकपुरधाममा आएर जनकपुरधाम नगरको अन्तरगृह परिक्रमा गर्दै समापन हुनेछ ।
