धनुषामा रेल चढ्ने क्रममा एक जनाको मृत्यु

जनकपुरधाम १३ पुस । जयनगरमा रेल चढ्ने क्रममा एकजनाको मृत्यु भएको छ ।
जयनगरबाट कुर्थाको लागि छुटेको रेलले विदेह नगरपालिका स्थित वैदेही स्टेसनमा चढ्ने क्रममा उछिटिएर तल खस्दा किचिएर एकजनाको मृत्यु भएको जिल्ला प्रहरी कार्यालय धनुषाका प्रहरी नायव उपरिक्षक प्रदीप बहादुर क्षेत्रीले जानकारी दिएको छ । मृत्यु हुनेमा धनुषा नगराईन नगरपालिका राघवपुर बस्ने ३५ वर्षीय पुरन सादा रहेको प्रहरीले जनाएका छन् । रेल चढ्न लाग्दा खुट्टा अड्किएपछि सोही रेलले किचेर मृत्यु भएको प्रारम्भीक अन्ुसन्धानबाट देखिएको छ । थप अनुसन्धान भइरहेको प्रहरीले जनाएको छ ।