काठमाडौं, २१ कात्तिक । नेपाली कांग्रेसका सभापति गगनकुमार थापाले नेपाली समाजमा बढ्दो घृणा र नकारात्मकता अन्त्य गर्दै प्रेम, सद्भाव र आपसी विश्वासलाई प्राथमिकता दिनुपर्ने बताएका छन्।
नेपाल संवत् ११४७ को अवसरमा शनिबार ललितपुरमा आयोजित शुभकामना आदानप्रदान कार्यक्रममा बोल्दै उनले समाजलाई एकताबद्ध बनाउन आफ्नो मौलिकता, संस्कृति, चाडपर्व र सामाजिक सम्बन्धको संरक्षण गर्नुपर्ने बताए।
थापाले विकास र आधुनिकतालाई आत्मसात् गर्दा पुराना सांस्कृतिक सम्पदाको संरक्षण पनि उत्तिकै आवश्यक रहेको उल्लेख गरे। प्रविधिमा मात्र सीमित नभई मानिसबीच प्रत्यक्ष भेटघाट, संवाद र भाइचाराको सम्बन्ध बलियो बनाउनुपर्नेमा उनले जोड दिए।
टोल सुधार समितिजस्ता स्थानीय संस्थाले सामाजिक एकता र आपसी सम्बन्ध विस्तारमा महत्वपूर्ण भूमिका खेल्ने उनको भनाइ थियो।
