काठमाडौं, ४ कात्तिक । प्रधानमन्त्री वालेन्द्र शाह (बालेन)ले भ्रष्टाचार, कुशासन, ढिलासुस्ती, असमानता र राजनीतिक विकृति अन्त्य गर्न सबैलाई एकजुट भएर लाग्न आग्रह गरेका छन्।
विजयादशमीको शुभकामना सन्देश जारी गर्दै प्रधानमन्त्री शाहले प्रत्येक नागरिकले सरकार आफ्नो साथमा रहेको अनुभूति गर्न सक्ने वातावरण निर्माण गर्नुपर्ने बताएका हुन्।
उनले देशमा विद्यमान विकृति हटाउन इमानदार प्रयास, दृढ अठोट र सामूहिक मेहनत आवश्यक रहेको उल्लेख गर्दै परिवर्तनका लागि सोच र व्यवहार दुवै बदल्नुपर्नेमा जोड दिएका छन्।
प्रधानमन्त्री शाहले दसैँले अहंकार, लोभ, ईर्ष्या, हिंसा र विभेदजस्ता नकारात्मक प्रवृत्ति त्याग्न प्रेरणा दिने विश्वास व्यक्त गरेका छन्। साथै, देश तथा विदेशमा रहेका नेपालीलाई सुख, शान्ति, समृद्धि र प्रगतिको शुभकामना दिँदै आपसी सद्भाव, एकता र सम्मानका साथ पर्व मनाउन आग्रह गरेका छन्।
