काठमाडौँ, ३ कार्तिक । राष्ट्रपति रामचन्द्र पौडेलले विजया दशमीका अवसरमा बुधबार बिहान १० बजेर २६ मिनेटको शुभसाइतमा टीका, जमरा र आशीर्वाद ग्रहण गर्ने भएका छन्।
राष्ट्रपति कार्यालय शीतल निवासमा गुरु पुरोहितबाट टीका र जमरा ग्रहण गर्ने कार्यक्रम रहेको राष्ट्रपति कार्यालयका प्रेस सल्लाहकार किरण पोखरेलले जानकारी दिएका छन्।
यसअघि राष्ट्रपतिले दसैँमा सर्वसाधारणलाई टीका लगाइदिने परम्परा रहे पनि पछिल्लो समय देशको विषम परिस्थितिका कारण उक्त कार्यक्रम रोकिएको छ।
