काठमाडौं, ३१ असोज । नेपाली कांग्रेसका सभापति गगनकुमार थापाले नेपाली राजनीतिलाई सस्तो लोक प्रियतावादबाट वास्तविक लोकतन्त्र र देखावटी शैलीबाट नीतिगत सुधारतर्फ लैजानुपर्ने बताएका छन्।
शनिबार पार्टी केन्द्रीय कार्यालय सानेपामा आयोजित शपथ ग्रहण समारोहलाई सम्बोधन गर्दै उनले व्यक्ति केन्द्रित राजनीतिभन्दा बलिया र प्रभावकारी संस्थामार्फत मात्रै दिगो परिवर्तन सम्भव हुने बताए।
थापाले न्यून आर्थिक वृद्धिदर, कमजोर स्रोत परिचालन र समाजमा कायम विभेदप्रति चिन्ता व्यक्त गर्दै यी समस्याको समाधानका लागि गम्भीर राष्ट्रिय बहस आवश्यक रहेको उल्लेख गरे।
संविधानले मौलिक हकको व्यवस्था गरे पनि विभेद अन्त्य हुन नसकेको भन्दै उनले नेपाली कांग्रेसलाई नागरिकका जटिल समस्याको वैचारिक समाधान दिने जिम्मेवार राजनीतिक शक्तिका रूपमा स्थापित गर्ने प्रतिबद्धता जनाए।
