काठमाडौं, २४ असोज । नेकपा एमालेले पार्टीको केन्द्रीय कमिटीमा १३ जना नेतालाई मनोनीत गरेको छ ।
शनिबार बसेको पार्टीको स्थायी कमिटी बैठकले विभिन्न नेताहरूलाई केन्द्रीय सदस्यमा मनोनीत गर्ने निर्णय गरेको एमाले सचिव महेश बस्नेतले जानकारी दिएका छन् ।
बस्नेतका अनुसार केन्द्रीय सदस्यमा मनोनीत हुनेहरूमा तेजेन्द्र केसी, मीनप्रसाद गुरुङ, सिर्जना राई, पुष्पा केसी भण्डारी, सावित्रा अर्याल, इन्दु कडरिया, सीता पंगेनी, सीता अधिकारी, धर्मनाथप्रसाद साह, तेजमान कन्दङ्वा, टंक आङबुहाङ्ग, नवीन रोका मगर र डबल पाण्डे रहेका छन् ।
स्थायी कमिटी बैठकबाट गरिएको उक्त निर्णयसँगै उनीहरू पार्टीको केन्द्रीय सदस्य बनेका हुन् । मनोनीत नेताहरूलाई पार्टीको संगठनात्मक काम तथा जिम्मेवारीमा सहभागी गराउने बाटो खुलेको छ ।
एमालेले केन्द्रीय सदस्यमा १३ जना थप्ने निर्णय गरेको भए पनि उनीहरूलाई कुन–कुन जिम्मेवारी दिने भन्नेबारे थप विवरण सार्वजनिक भएको छैन ।
