जनकपुर, ४ असोज । प्रस्तावित दलित अधिकार तथा विकाससम्बन्धी विधेयकमा मधेशी दलित समुदायका अधिकार र सरोकार समेट्न माग गर्दै मधेशी दलित नागरिक समाज तथा अधिकारकर्मीहरूले राष्ट्रिय स्वतन्त्र पार्टीका सांसद डा. अमरेशकुमार सिंहलाई सुझाव दिएका छन्।
अधिकारकर्मीहरूले विधेयकमा मधेशी दलितको जनसंख्या र सामाजिक अवस्थाका आधारमा प्रतिनिधित्व तथा अधिकार सुनिश्चित गर्नुपर्ने माग गरेका छन्। उनीहरूले प्रत्यक्ष निर्वाचनमा समेत आरक्षण तथा समानुपातिक सिद्धान्तअनुसार सहभागिता सुनिश्चित गर्नुपर्नेमा जोड दिएका छन्।
सुझाव बुझ्दै सांसद सिंहले मधेशी दलित समुदायका सवाल संसद्मा उठाउने प्रतिबद्धता जनाएको नागरिक समाजले जनाएको छ।
अधिकारकर्मीहरूले संविधान संशोधन तथा नयाँ विधेयक निर्माणका क्रममा मधेशी दलित समुदायका मुद्दालाई प्राथमिकताका साथ सम्बोधन गर्न माग गरेका छन्।
