वीरगञ्ज, ३ असोज । आम जनता पार्टी (आजपा)का अध्यक्ष प्रभु साहले प्रधानमन्त्री बालेन्द्र शाह नेतृत्वको सरकार संसद्मा बलियो बहुमत भए पनि व्यवहारमा कमजोर देखिएको टिप्पणी गरेका छन्।
वीरगञ्जमा आयोजित नौ दलीय अग्रगामी मोर्चाको कार्यकर्ता भेलालाई सम्बोधन गर्दै साहले सरकार जनतासँगको सम्बन्धबाट टाढिँदै गएको दाबी गरे। उनले सरकारको प्रभावकारिता बढाउन प्रधानमन्त्री शाहलाई जनताको विश्वास, संविधान र विधिको आधारमा अघि बढ्न सुझाव दिए।
साहले सरकारका नीति, सेवा प्रवाह तथा नियुक्तिमा समावेशिताको विषयमा पनि प्रश्न उठाउँदै महिला, मधेसी र दलितको प्रतिनिधित्वलाई प्राथमिकता दिनुपर्ने बताए। साथै, मोर्चा सत्ताको भागबण्डाभन्दा राजनीतिक संघर्ष र सहकार्यका लागि एकजुट भएको उनको भनाइ थियो।
