सुनसरी, ३ असोज । सुनसरीको देवानगञ्ज गाउँपालिका–१ मा गोली प्रहार हुँदा स्थानीय निरज यादव घाइते भएका छन्। उनको तिघ्रामा गोली लागेको र विराटनगरस्थित नोबेल अस्पतालमा उपचार भइरहेको प्रहरीले जनाएको छ।
जिल्ला प्रहरी कार्यालय सुनसरीका डीएसपी चन्द्र खड्काले गोली प्रहार भएको पुष्टि गर्दै घटनाको विस्तृत विवरण आउन बाँकी रहेको बताए।
घटनामा संलग्न भएको आरोपमा प्रहरीले दुई जनालाई पक्राउ गरेको छ। उनीहरूको पहिचान भने प्रहरीले सार्वजनिक गरेको छैन।
यसअघि साउनमा पनि देवानगञ्जमा दुई समुदायबीच भएको झडपका क्रममा प्रहरीले गोली चलाउँदा तीन जनाको मृत्यु भएको थियो।
