जनकपुर, २० भदौ । ‘मिस मिथिलानारी नेपाल-२०२६’ को ग्रान्ड फिनाले आगामी असोज ३ गते जनकपुरधामस्थित तिरहुतिया गाछी मैदानमा आयोजना हुने भएको छ ।
थर्ड आइ स्टुडियोजको प्रस्तुतिमा हुने कार्यक्रममा मिथिलाको कला, संस्कृति र सौन्दर्यलाई प्रवद्र्धन गर्ने उद्देश्यसहित विभिन्न प्रस्तुति राखिने आयोजकले जनाएको छ ।
कार्यक्रममा दीपेश शर्मा, जागेश ठाकुर, भोजपुरी गायिका शिल्पी राज, ¥यापर डीके सागर र कमेडियन आदर्श मिश्रा लगायत कलाकारको प्रस्तुति रहनेछ ।
कार्यक्रमको गेट दिउँसो ३ बजे खुल्ने जनाइएको छ । अनलाइन टिकटको मूल्य रु. २५० र टिकट काउन्टरबाट खरिद गर्दा रु. ३०० तोकिएको आयोजकले जनाएको छ ।
कार्यक्रमसँगै विभिन्न ब्रान्ड तथा व्यवसायका लागि प्रचार–प्रसार र स्टल बुकिङको व्यवस्था पनि गरिएको छ ।
