काठमाडौं, १६ भदौ । भोटेकोशी बाढीबाट भएको जनधनको क्षति, खोजी तथा उद्धार, राहत वितरण र पुनःस्थापनाका विषयमा छलफल गर्न आज सर्वदलीय बैठक बस्ने भएको छ।
राष्ट्रिय स्वतन्त्र पार्टी (रास्वपा)का प्रवक्ता जगदीश खरेलका अनुसार बैठक दिउँसो २ बजे सिंहदरबारस्थित रास्वपा संसदीय दलको कार्यालयमा आयोजना हुनेछ।
बैठकमा बाढीबाट प्रभावित क्षेत्रको पछिल्लो अवस्था, सम्पर्कविहीन व्यक्तिको खोजी, उद्धार कार्य, पीडितलाई राहत उपलब्ध गराउने विषय तथा पुनःस्थापनाका लागि आवश्यक कदमबारे छलफल हुने बताइएको छ।
