काठमाडौं, १४ भदौ । भीषण बाढीबाट मृत्यु हुनेको संख्या ७५२ पुगेको छ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार दिउँसो १ बजेसम्म ७५२ जनाको शव फेला परेको हो । सबैभन्दा धेरै चितवनमा २५९, नवलपरासी पूर्वमा १८४, नवलपरासी पश्चिममा १००, गोरखामा ५८, नुवाकोटमा ५२ र धादिङमा ५० जनाको मृत्यु भएको छ।
बाढीमा २३९ जना घाइते भएका छन् भने २ हजार ५०२ जना अझै सम्पर्कविहीन छन्। हालसम्म ८ हजार ७३० जनाको जीवितै उद्धार गरिएको छ।
खोज तथा उद्धारका लागि नेपाली सेना, नेपाल प्रहरी र सशस्त्र प्रहरीका गरी १९ हजार ८९५ सुरक्षाकर्मी परिचालित छन्। जलविद्युत् आयोजनाका सुरुङमा फसेका २७९ जनासहित ठूलो संख्यामा हवाई उद्धारसमेत गरिएको प्राधिकरणले जनाएको छ।
