काठमाडौं, १० भदौ । नुवाकोटको त्रिशूली बजार केही समयअघिसम्म चहलपहलले भरिएको थियो। तर, एकाएक आएको बाढीले बजारको स्वरूप नै बदलिदिएको छ।
बाढीले घर तथा संरचनामा ठूलो क्षति पुर्याउँदै बजारलाई खण्डहरमा परिणत गरेको छ। कतिपय ठूला भवन उभिए पनि आसपासको जमिन बालुवा र माटोले पुरिएको छ भने संरचनाहरू क्षतिग्रस्त छन्।
त्रिशूली नदीको बहाव सामान्य बन्दै गए पनि बाढीले पुर्याएको क्षतिका कारण बजारको पुरानो स्वरूप भने हराएको छ।
