काठमाडौं, १० भदौ । रसुवामा आएको भीषण बाढीका कारण नेपाल प्रहरी र सशस्त्र प्रहरीका गरी ४१ सुरक्षाकर्मी सम्पर्कविहीन भएका छन्। नेपाल प्रहरीका ३२ र सशस्त्र प्रहरीका ९ जना सुरक्षाकर्मी अहिलेसम्म सम्पर्कमा नआएका हुन्।
नेपाल प्रहरीका अनुसार बाढीले इलाका प्रहरी कार्यालय टिमुरे, स्याफ्रुवेशी प्रहरी चौकी, रसुवागढी र मैलुङ प्रहरी कार्यालयमा क्षति पुर्याएको छ। सशस्त्र प्रहरीका सम्पर्कविहीन ९ जना टिमुरे बीओपीमा कार्यरत रहेको जनाइएको छ।
