काठमाडौं, १० भदौ । भोटेकोशी बाढीपछि जोखिममा परेका नागरिकको उद्धार तथा राहतलाई तीव्रता दिने निर्णय विपद् प्राधिकरणको बैठकले गरेको छ।
कांग्रेस संसदीय दलका नेता भीष्मराज आङदेम्बेका अनुसार उपलब्ध सबै स्रोत-साधन परिचालन गरी प्रभावितको तत्काल उद्धार र राहतमा केन्द्रित हुने निर्णय भएको हो। उद्धारका लागि हालसम्म आठ हेलिकप्टर परिचालन गरिएको जानकारी बैठकमा प्राप्त भएको उनले बताए।
घाइते तथा बिरामीको उपचारका लागि त्रिशूलीस्थित सिभिल अस्पताललाई आवश्यक उपकरणसहित व्यवस्थित गर्ने र धुन्चे, त्रिशूलीलगायतका हेलिप्याड उद्धारमा प्रयोग गर्ने निर्णयसमेत भएको छ।
बाढीबाट भएको क्षतिको यकिन विवरण आउन बाँकी रहेकाले सरकारले बिना ढिलाइ सबै संयन्त्र परिचालन गर्नुपर्नेमा आङदेम्बेले जोड दिए।
