काठमाडौं ८ भदौँ । प्रतिनिधिसभाको सोमबार बसेको बैठकले चारवटा विधेयकलाई दफावार छलफलका लागि सम्बन्धित संसदीय समितिमा पठाउने प्रस्ताव स्वीकृत गरेको छ।
बैठकले संवैधानिक निकायका पदाधिकारीको पारिश्रमिक, सेवाको सर्त र सुविधा सम्बन्धी पहिलो संशोधन विधेयक, राहदानी पहिलो संशोधन विधेयक, मानव बेचबिखन तथा ओसारपसार नियन्त्रण पहिलो संशोधन विधेयक र खानी तथा खनिज पदार्थ विधेयक समितिमा पठाउने निर्णय गरेको हो।
अब सम्बन्धित समितिले विधेयकमा सांसदहरूले दिएका संशोधन तथा सुझावमाथि विस्तृत छलफल गरी प्रतिवेदन तयार गर्नेछ।
बैठकपछि सभामुख डोलप्रसाद अर्यालले प्रतिनिधिसभाको अर्को बैठक भदौ ९ गते मंगलबार दिउँसो १ बजे बस्ने गरी स्थगित गरेका छन्।
