काठमाडौं, ८ भदौ । मेडिकल व्यवसायी दुर्गा प्रसाईंको घर खानतलासी गर्नुको कारणबारे लिखित जवाफ पेश गर्न सर्वोच्च अदालतले प्रहरीलाई आदेश दिएको छ।
सोमबार न्यायाधीश नृपध्वज निरौलाको इजलासले प्रसाईंकी पत्नी उमा प्रसाईंले दायर गरेको बन्दीप्रत्यक्षीकरण निवेदनमाथि सुनुवाइ गर्दै बाटोको म्यादबाहेक २४ घण्टाभित्र जवाफ बुझाउन आदेश दिएको हो।
साथै, भदौ ४ गते प्रसाईंको घरबाट बरामद गरिएका सामानसहित पेसीको दिन अदालतमा उपस्थित हुन भक्तपुर प्रहरीलाई सर्वोच्चले निर्देशन दिएको छ।
