भक्तपुर, ६ भदौ । नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले प्रधानमन्त्री वालेन्द्र शाह ‘बालेन’ नेतृत्वको वर्तमान सरकार पाँच वर्षसम्म टिक्न नसक्ने दाबी गरेका छन्।
शनिबार नगरकोटमा आयोजित एमालेको ‘जनसम्पर्क समन्वय संयन्त्र कार्यशाला’लाई सम्बोधन गर्दै ओलीले सरकार विदेशी शक्तिको आडमा चलेको आरोप लगाए। उनले बहुमत प्राप्त भए पनि सरकार लामो समय टिक्न नसक्ने जिकिर गरे।
ओलीले संविधान मिचिएको र लोकतन्त्र अपहरित भएको दाबी गर्दै त्यसलाई पुनःस्थापित गर्नुपर्ने बताए। साथै, जनताका पक्षमा सत्य कुरा बोल्न कार्यकर्ता तथा समर्थकलाई आग्रह गरे।
एमाले बागमती प्रदेश जनसम्पर्क समन्वय संयन्त्रले आयोजना गरेको कार्यशाला दुई दिनसम्म सञ्चालन हुनेछ।
